Грамматика     Текст     Упражнения

Слушать текст

Familio

 Instruisto:

− Saluton, geamikoj. Temo de hodiaǔa leciono estas familio. − Viktoro, diru al ni, kio estas familio?

− Familio estas patro, patrino kaj mi.

− Dankon, Viktoro. Kiu volas aldoni? Bonvolu, Lena.

− Familio estas patro, patrino kaj la gefiloj – fratoj kaj fratinoj.

− Tre bone. Do, patro, patrino, filoj, filinoj. Ĉu ekzistas ankoraǔ anoj de familio? Bonvolu, Andreo.

− Certe ekzistas. Ili estas patroj kaj patrinoj de niaj gepatroj.

− Vi pravas. Patro de via patro aǔ patrino estas por vi avo. Kaj vi, Andreo, por via avo kaj avino estas nepo. Vi Jelena, estas nepino por viaj geavoj.

− Sinjoro instruisto, - demandas Viktoro, - kiel nomiĝas en Esperanto frato de mia patro?

− Frato de via patro estas por vi onklo. Kaj vi por via onklo estas nevo.

− Mia onklo Sergeo havas filon Olegon, - diris Elena. − Kio li estas por mi?

− Filo de via onklo estas por vi kuzo, kaj vi por Olego estas kuzino.

− Estas interese, - daǔrigas Lena, - kio estas por mia patro patrino de mia patrino?

− Dekomence ni diru, ke via patro por via patrino estas edzo, kaj ŝi por li – edzino. Patrino de edzino por edzo estas bopatrino. Patro de edzino por edzo estas bopatro, kaj edzo de filino por via avo estas bofilo.

− Homoj, ligitaj inter si per familiaj rilatoj: gepatroj, gefiloj, fratoj, gefratoj, gekuzoj, gebopatroj, geedzoj...  nomiĝas parencoj. Tamen, sufiĉas por hodiaǔ. Hejme bonvolu ripeti ĉiujn novajn vortojn. Ĝis la revido!

эсперанто-русский  и   русско-эсперантский словарики